"طوابير السجائر" تظهر في البحيرة و"السوق السوداء" تشعل الأسعار
تفاقمت أزمة نقص السجائر المحلية، في أسواق محافظة البحيرة، وظهرت طوابير طويلة أمام تجار الجملة والموزعين، في ظل قلة الكميات المطروحة، وعدم تلبيتها لحجم الطلب، وهو ما أدى لانتعاش السوق السوداء وبيع أصناف الشركة الشرقية بأسعار تزيد كثيرًا عن أسعارها الرسمية.
يقول صبحي حمودة - نقاش: "إمبارح اشتريت العلبة بـ24 جنيه بزيادة ٦ جنيه عن سعرها الحقيقي، والبائع مرضاش يديني غير علبة واحدة بالعافية وقال لي بكرة مش هتعرف تشتريها بـ26".
"السجائر بقت ولا كأنها مخدرات مش لاقيينها وبنجيبها بالطلب من السوق السوداء" يعلق أيمن زعيم متعجبًا من أزمة اختفاء السجائر.
ويشكو صابر الطحاوي - عامل: "مفيش قهاوي نشرب عليها معسل، والسجاير المصري مش موجودة، هو أنا يوميتي كام عشان أجيب علبة سجاير مستوردة بـ٤٠ جنيه".
ويقول علي سلام - موظف: "لو الشركة معطشة السوق وبتمهد عشان تغلي السجاير، يعلوها ويريحونا، بدل البهدلة إللي إحنا فيها دي عشان نجيب علبة سجائر ومش عارفين".
ويقول طه كامل - تاجر سجائر: "التجار الكبار إللي بيتعاملوا مباشرة مع الشركة الشرقية مخزنين السجاير، ومخليين السوق عطشان عشان يكسبوا مكاسب خيالية على حساب المواطن الغلبان".
ويقول الحاج محمد - موزع سجائر:"أنا قفلت المحل النهاردة مفيش عندي سجائر خالص في المخزن والتجار رايحين جايين عليا عاملين زحمة على الفاضي، وبيعملوا مشاكل مفكرين إني حايشها عنهم".
ويقول مراد حسني - تاجر: "حصة كل موزع قلت خالص يعني إللي كان بياخد 100 كرتونة بقى بيوصله كرتونتين بس وطبعًا بيتصرف فيهم من برة برة بسعر السوق السوداء".
كان إبراهيم إمبابي، رئيس شعبة السجائر والدخان باتحاد الصناعات، أرجع ارتفاع أسعار السجائر إلى "جشع التجار" ووصفها بالظاهرة المتكررة في المواسم والأعياد.
وقال إمبابي، في تصريحات سابقة لـ"مصراوي"، إن التجار يروجون لزيادة أسعار السجائر مع اقتراب شهر يوليو، لكن هذا غير حقيقي، "لا يوجد زيادة في الأسعار قبل 18 شهرا".
وأضاف إمبابي: "عادة يحدث تراجع بسيط في الإنتاج خلال إجازات العيد، لكن يتم توريد المنتجات للتجار مع الأخذ في الاعتبار هذه الإجازات، لكن التجار يستغلون الموسم لزيادة السعر والتربح".
قبل بيعها.. ضبط خِراف مذبوحة بعد نفوقها في البحيرة
ضبطت إدارة تموين حوش عيسى، بمحافظة البحيرة، اليوم الأحد، 20 خروفًا نافقًا جرى ذبحها بعد نفوقها؛ تمهيدًا لتوزيعها على محال الجزارة.
تبين من الفحص بمعرفة الطب البيطري أن الخراف نفقت بسبب أكل حشائش سامة، ولجأ أصحابها لذبحها بطريقة غير شرعية بعد بغرض بيع لحومها.
جرى ضبط المتهمين والتحفظ على المضبوطات، وتحرر عن ذلك المحضر اللازم تمهيدًا ا للعرض على النيابة العامة.
